توشيح ماشى فى نور الله للنقشبندى

 

ماشي في نور الله ماشي ** بدعي وأقول يارب
إبقالى حصن وجاه ** وزدنى فى حبك حب
ياااااااارب
وبركلى فى عيالى ** وفى صحتى ومالى
وفى كل أعمالى أسعى لما ترضاه
ماشى فى نور الله ماشى** ماشى فى نور الله ماشى
بدعى وأقول يا رب
منك يارب الهدى** والمعصية منى
ولاليه عنك غنا ** وأنت فى غنا عنى
نورك لروحى دليل ** والحب ليه سبيل
ولاعمر شمسه تميل اللى قصد مولاه
ماشى فى نور الله ماشى ** ماشى فى نور الله ماشى
بدعى وأقول يا رب
أستغفرك وأتوب ** عن كل عصيانى
ياما غفرت ذنوب ** يارب ترعانى
فى رحمتك غايه ** ومحبه وهدايه
وفى كل شئ أيه ** بتقول تعالى الله
ماشى فى نور الله ماشى ** ماشى فى نور الله ماشي
بدعى وأقول يا رب